Árshald av Píkasjey

Gongur tú í skúlabólki, forskúla ella ert tú farin í skúla? So er Píkasjey heilt víst eitt blað fyri teg.

Í blaðnum kanst tú lesa um ymisk dýr og nógv annað spennandi og stuttligt. Vit práta eisini við børn um ymiskt, sum tey gera. Og so eru søgur, ítriv og nógvar uppgávur bara til tín at hugna tær við.

Árshald av STROK

Í STROK kanst tú lesa um alt frá vinarlagi og kærleika til ítrótt, tíðindi, søgur, kelidjór, plantur, mat, ítriv, og skemtisøgur. Her er pláss fyri øllum, stórum sum smáum: Hvussu verður olja gjørd? Nær verður man forelskaður? Hví geispa vit? Hugskotini eru nógv, og eisini frá tykkum lesarum.

Í fleiri enn 60 ár hevur barnablaðið STROK verið ein góður vinur hjá børnum og ungum – og soleiðis verður eisini í framtíðini!

Mín jólabók 2018

Mín jólabók 2018 er ein bók við spennandi og stuttligum søgum, flottum tekningum, jólasangi og hugskotum og íblástri til hugnaligar løtur saman í køldu, myrku tíðini upp undir jól. Bókin er býtt upp í 24 partar, so okkurt er at gera hvønn dag upp undir jól.